Regionale planar Vestland og Møre og Romsdal
Vestnorsk fjordlandskap ligg i Møre og Romsdal og Vestland fylke. Dei regionale planane i begge fylka legg dermed rammer forvaltninga av verdsarvområdet.
Regional planstrategi og Regionale planar blir utarbeidd av fylkeskommunane etter plan- og bygningslova, og gir langsiktige mål og føringar for utviklinga i fylket. Planane skal bidra til å samordne innsatsen til fylkeskommunane, kommunane, regionale statsetatar og andre aktørar på område der utfordringar og interesser går på tvers av kommunegrenser og sektorar. Kommunar, regionale statsetatar og organisasjonar skal legge Regional planstrategi og Regionale planar og strategiar til grunn for si verksemd. Planane gjeld i heile fylket, også i verdsarvområdet, med mindre dei er avgrensa til eit bestemt geografisk område.
For Vestnorsk fjordlandskap er regional planlegging relevant for å ta vare på verdsarvverdiane, og fordi verdsarvverdiane må sjåast i samanheng med utviklinga i eit større geografisk område. Arealbruk, natur- og vassforvaltning, kulturmiljø, klima, energi, transport, reiseliv og næringsutvikling innanfor og omkring verdsarvområdet kan påverke både landskapet og føresetnadene for langsiktig forvaltning.